– ინფორმაცია საერთაშორისო გადაზიდვებში ჩართული კომპანიებისთვის
საერთაშორისო გადაზიდვების სფეროში EORI კოდი ერთ-ერთი ძირითადი და აუცილებელი იდენტიფიკატორია, რომელიც მნიშვნელოვანია ევროკავშირის ტერიტორიაზე მოქმედი ნებისმიერი კომპანიისა თუ ფიზიკური პირისთვის, რომელიც დაკავშირებულია საბაჟო პროცესებთან.
EORI — Economic Operators Registration and Identification number, ანუ ეკონომიკური ოპერატორების რეგისტრაციისა და იდენტიფიკაციის ნომერია. ეს უნიკალური კოდია, რომელსაც ევროკავშირის საბაჟო ორგანოები გასცემენ და გამოიყენება ყველა ოფიციალურ საბაჟო დეკლარაციაში.
რატომ არის საჭირო EORI?
თუ გსურთ საქონლის იმპორტი ან ექსპორტი ევროკავშირის ტერიტორიაზე — მაგალითად, საქართველოდან იტალიაში ტვირთის გაგზავნა ან გერმანიიდან პროდუქციის შემოტანა — საბაჟო პროცედურების დაწყებამდე, თქვენ აუცილებლად დაგჭირდებათ EORI კოდი.
სწორედ ეს კოდი:
- გიცნობთ, როგორც სამართლებრივად აღიარებულ იმპორტიორს/ექსპორტიორს EU სივრცეში,
- ამარტივებს საბაჟო პროცედურებს,
- საშუალებას გაძლევთ სწრაფად გაატაროთ ტვირთები საზღვრებზე,
- არის აუცილებელი მოთხოვნა ტვირთების დარეგისტრირებისთვის საბაჟო სისტემებში.
კონკრეტული მაგალითები:
- გერმანია: თუ თქვენი კომპანია გეგმავს გერმანიაში ტვირთის შეტანას, საბაჟო clearance (განბაჟება) შეუძლებელია EORI კოდის გარეშე. გერმანიის საბაჟო სისტემა არ გაატარებს ტვირთს, თუ ექსპედიტორს ან მფლობელ კომპანიას არ აქვს რეგისტრირებული EORI ნომერი.
- იტალია: იტალიის საბაჟო სამსახური ხშირად ითხოვს, რომ ექსპორტისას და იმპორტისას ორივე მხარეს (გაგზავნსაც და მიმღებსაც) ჰქონდეს თავისი მოქმედი EORI კოდი — ეს ამცირებს გართულებებს საბაჟოზე.
- პოლონეთი: პოლონეთში გადაზიდვებისას ადგილობრივი საბაჟო ორგანოები EORI-ს გარეშე არ ახორციელებენ ელექტრონულ საბაჟო დეკლარაციებს — ეს განსაკუთრებით მნიშვნელოვანია, თუ ტვირთი პოლონეთის გავლით გადის სხვა ქვეყნებში.
- ჰოლანდია: როგორც ერთ-ერთი ყველაზე დატვირთული პორტის მქონე ქვეყანა (Rotterdam), ჰოლანდია განსაკუთრებით მკაცრად კონტროლდება და ყველა ეკონომიკური ოპერატორი, რომელიც ჩართულია იმპორტ-ექსპორტში, ვალდებულია ჰქონდეს EORI ნომერი.
როგორ მივიღოთ EORI?
EORI კოდი გაიცემა მხოლოდ ერთჯერადად და მოქმედებს ევროკავშირის მასშტაბით. მის მისაღებად საჭიროა:
- რეგისტრაცია შესაბამისი ქვეყნის საბაჟო სამსახურში (პირველ ქვეყანაში, საიდანაც იწყებთ სავაჭრო ურთიერთობას),
- კომპანიის იდენტიფიცირების დოკუმენტები (მაგ. რეგისტრაციის ამონაწერი),
- ფორმალური განაცხადის შევსება.
EORI კოდის მიღება არ არის რთული პროცესი, თუმცა მნიშვნელოვანია, რომ სწორად და დროულად მოხდეს მისი რეგისტრაცია.
MATE TRANS_–ში ჩვენი გუნდი უზრუნველყოფს EORI კოდის მიღებასთან დაკავშირებული პროცესების სრულ მხარდაჭერას. ჩვენი გამოცდილება საერთაშორისო გადაზიდვებში გაძლევთ გარანტიას, რომ საბაჟო ბიუროკრატიამ არ შეაფერხოს თქვენი საქონლის მოძრაობა.
დაგვიკავშირდით და ვუპასუხებთ თქვენს ყველა კითხვას!